1 мамыр Қазақстан халқының бірлігі күні

1 мамыр Қазақстан халқының бірлігі күніне орай аудан әкімдігінің ұйымдастыруымен аудан және қала тұрғындарына арнап мерекелік шара өткізді.

Аудан әкімі В.Устюгов шараға жиналғандарды және қала қонақтарын бірлік күнімен құттықтап, ауданның әлеуметтік-экономикалық дамуына үлес қосқандар және достық пен ұлтаралық келісімді нығайтуға елеулі үлес қосқаны үшін аудандағы бірқатар мәдени өкілдерін алғыс хатпен марапаттады.

Бұл мереке жыл сайын аудан көлемінде үлкен дәрежеде тойланып келеді. Мерекеге орай ұйымдастырылған концерт бағдарламасы ауқымды болды. Сондай-ақ, мерекелік шарада аудандағы этнос өкілдері бірігіп ұлттық мәдениеттерін көрсетіп, көрме ұйымдастырды. Көрмеде этностың ұлттық мәдениетін көрсететін бұйымдар қойылды. Мысалы, ингуш, ұйғыр, түркмен тағы басқа ұлттың өкілдері ұлттық мәдениетін көрсететін бұйымдарды таныстырды.